Појаси

Дали појасите за  држење на телото се ефективни?

Дали сакате да изгледате послабо, помладо и попривлечно? Сè што треба да направите, тврдат рекламите, е да носите направа од 10 до 30 минути на ден за врзување на рамениците нареченa Posture doctor, која чини 699 ден.

Појасот е само еден од многуте „коректори на држењето на телото“ на пазарот, подготвени да се справат со епидемијата на подгрбавување кај многумина од нас, предизвикано поради поминатото време во поголемиот дел од нашите денови подгрбавени врз мобилните телефони, таблетите или лаптопите. Исто така достапни се и: градници за корекција на држењето на телото, протези, кошули, па дури и дигитални сензори – сите овие имаат за цел да нѐ натераат да се исправиме. Но, дали тие функционираат? И дали воопшто да се мачиме?

Правилното држење на телото може да го подобри вашето физичко и ментално здравје.

Да се има добро држење на телото е важно, велат експертите. Правилното стоење го олеснува притисокот врз ‘рбетот, вратот и рамената и ја намалува болката во вратот и грбот, при што околу една четвртина пријавуваат дека имаат болки во грбот барем еден ден во период од три месеци. Многумина исто така страдаат од „текстуален врат“, предизвикан од поминување на подолг временски период со наведната глава (со просечна тежина: 11 килограми), загледани во екраните.

Исто така, постои поврзаност помеѓу држењето на телото и менталното здравје. Луѓето со депресија и анксиозност имаат тенденција да се згрбавуваат или свиваат навнатре, покажуваат истражувањата. Од друга страна, стоењето исправено може да ви помогне да се чувствувате подобро.

Во прилог на подобро расположение, придобивките од доброто држење на телото вклучуваат:

• Избегнување на неповратно оштетување на ‘рбетот
• Намалување на ризикот од остеоартритис
• Подобрување на флексибилноста и движењето на зглобовите
• Намалување на ризикот да паднете со тоа што ви се подобрува рамнотежата
• Помага да дишете полесно, давајќи им на белите дробови повеќе простор за ширење

Дали работат коректорите на држењето на телото?

И покрај тоа што да имате добро држење е одлична цел, повеќето коректори на држењето на телото не ви помагаат да ја постигнете таа цел. Всушност, некои од овие уреди можат да направат повеќе штета отколку корист. Тоа е затоа што вашето тело почнува да се потпира на уредите за да ве држат, особено ако ги носите подолго време. Ова може да предизвика опуштање и ослабување на основните мускули кои нормално би ги користеле за подобро држење на телото.

Скандинавскиот преглед на истражувања од 2019 година испита шест студии кои тврдат дека коректорите на држење во облик на кошула се покажале дека функционираат. Но,прегледот откри дека повеќето студии биле лошо дизајнирани и поради финансирањето на истите од производители на тие уреди, биле потенцијално пристрасни. Авторите на прегледот заклучија дека нема веродостоен доказ дека овој тип на коректор на држењето на телото функционира.

Друг вид на коректор на држењето на телото користи целосно поинаков метод, за кој некои корисници велат дека им одговара. Уредот Upright Go вклучува лепење сензор со големина на клучалка на вашиот грб или носење на истиот како привезок за ѓердан. Сензорот работи со апликација за паметен телефон за да детектира кога се подгрбавувате и нежно ќе вибрира за да ве потсети да ја смените позицијата. Лоша страна: цената (околу 85 УСД, плус дополнителни трошоци за ланец ).

Една придобивка што ја имаат сите овие уреди е зголемување на вашата свест за вашето држење и дали треба да го поправите. Но, експертите велат дека најдобриот начин да го подобрите вашето држење на телото е преку вежби за зајакнување на абдоменот , како што е јогата и работејќи на тоа да соите  и да седите правилно во вашиот секојдневен живот.

Неколку едноставни совети што треба да ги следите:

• Кога седите, држете ја брадата паралелна со подот, со колена и стапала насочени исправени напред.
• Ако работите на работна маса, консултирајте се со вашиот работодавец или видете совети преку Интернет за поставување на работно место погодно за држење на телото. Исто така, не заборавајте да станувате и да се истегнувате често; многу експерти советуваат да се движат еднаш на час.
• Кога стоите, држете ги рамената надолу и назад, рбетниот столб неутрален (без виткање или заоблување), колковите рамномерни и колената  нанапред, затегнете ги стомачните мускули и рамномерно распоредете ја тежината на двете нозе; стапалата треба да бидат разделени во ширина на рамената.

Ако продолжите да имате проблеми со лошо држење на телото, консултирајте се со вашиот лекар за да утврдите дали имате состојба која допринесува кон лошото држење, како што е сколиозата (искривување на ‘рбетниот столб). Можеби ќе биде потребно да работите и со физикален терапевт за да пронајдете режим на вежбање што може да ви помогне да постигнете правилно држење на телото – без употреба на разно-разни справи.